పర్యావరణం-పరిరక్షణ-సైకిల్

అయ్యో! శీర్షిక చూసి భయపడకండి...నేనేమి 'పర్యావరణం-పరిరక్షణ' మీద క్లాసులు పీకను.కాబట్టి మీరు  సేఫ్ జోన్ లో ఉన్నట్టే...మరెందుకు ఈ టైటిల్ అంటే....మొన్న నెమలీకలగురించి అలా ఆలోచిస్తూ ఉంటే...మా క్లాస్ లో జరిగిన ఒక సంగతి గుర్తొచ్చి భలే నవ్వొచ్చింది...అది  మీకు చెప్పేద్దామని కంకణం కట్టుకున్నా అదన్నమాట సంగతి 

నా చిన్నప్పుడు అంటే మరీ చిన్నపుడు కాదులెండి...నా ఏడో క్లాసులో అన్నమాట...ఒకసారి మా సార్ గారు...'ఎన్విరాన్మెంటల్ పొల్యూషన్' మీద అప్పటికప్పుడు వ్యాసం రాయమన్నారు.నేనసలే వ్యాసరచనల్లో క్వీను  ఎప్పుడు మా స్కూల్లో చిల్డ్రన్స్ డే కి పెట్టె టాలెంట్ సర్చ్ లో...వ్యాసరచన పోటిలో నాకు ప్రైజ్ రావాల్సిందే.అవన్నీ టాపిక్ ముందే తెలుసు కాబట్టి కొంచెం ప్రిపేర్ అయి రాస్తాము..కానీ ఇలా సడన్ గా రాయమంటే? అప్పుడే నా అసలైన టాలెంట్ బైటపడింది.సరే ఇక వ్యాసం విషయానికి వస్తే సార్ చెప్పిందే ఆలస్యం పెన్ను-పేపరు తీసుకుని  'జయీభవ!' అనుకుని బరకడం మొదలుపెట్టా..ముందుగా పర్యావరణానికి చెడు చేస్తున్నది వాయు కాలుష్యం అని....దానికి కారణం కర్మాగారాలు...మితిమీరిన వాహనాలు వాటి పొగ అని వ్రాశా.ఆ తరువాత శబ్దకాలుష్యానికి కూడా ఈ వాహనాలు దోహద పడుతున్నాయి అని వ్రాశా.అంతవరకూ బానే ఉంది.ఇక ఇక్కడ నించి మొదలైంది...'అన్నీ వాహనాలు పెట్రోలు లేదా డీజిలు వాడుతున్నాయి.అవి వదిలే హానికారక రసాయనాల వల్లే ఈ కాలుష్యం అంతా.అందుకని అందరూ పెట్రోలు/డీజిలు తో పనిలేని వాహనాలు వాడాలి.కాబట్టి అందరూ సైకిళ్ళు వాడాలి.సైకిలు వాడితే ఆరోగ్యముతో పాటు...కాలుష్య నివారణ కూడా.ఇంకా అందరూ సైకిళ్ళేవాడడం వల్ల...పెద్ద పెద్ద ఆక్సిడెంట్లు కూడా అవ్వవు...అందువలన మనుషులందరూ హాయిగా ఉంటారు.ట్రాఫిక్ జాములు ఉండవు...పార్కింగ్ ప్రాబ్లం ఉండదు...కాబట్టి ఎటువంటి టెన్షన్లు ఉండవు.లైసెన్సులు...హెల్మెట్లు గోలే ఉండదు.పైగా పెట్రోలు కి,డీజిలు కి అయ్యే ఖర్చు కూడా మిగులుతుంది.అందువల్ల దేశ ఆర్ధిక పరిస్థితి కూడా బాగుపడుతుంది. చిన్నగా మోగే బెల్లు తప్ప భయంకరమైన హారన్లు ఉండవు....ఇంకా వాహనాల రోద కూడా లేదు కాబట్టి శబ్ద కాలుష్యం ఉండదు.దగ్గర ఊళ్ళకి బస్సులు వాడుకోవచ్చు.మరీ దూరప్రయాణాలకు రైళ్ళు ఎటూ ఉన్నాయి.కుటుంబం అంతా వెళ్ళడానికి సైకిల్ కి అప్ గ్రేడ్ వర్షన్ 'రిక్షా' ఉంది. ఇక ఏమర్జెంసిలకి అంతగా కావాలంటే చిన్న చిన్నవ్యాన్లు అడపాదడపా  వాడుకోవచ్చు.కాబట్టి దేశం లో అందరూ హాయిగా స్కూటర్లు,బైక్లు,కార్లు పక్కన పడేసి సైకిళ్ళు వాడడం ఉత్తమం.ఇటు వాయు కాలుష్యం....అటు శబ్ద కాలుష్యం రెండూ తగ్గిపోతాయ్.ఆరోగ్యము..ఆర్ధిక పరిస్తితి మెరుగు పడుతుంది.అందువల్ల సైకిల్ యే పర్యావరణ పరిరక్షణకు...మానవాళి ప్రగతికి నేను సూచించే పరిష్కారం'...అని వ్రాశా.అదేంటో మరి అలా రాసేస! 

ఇక మా సార్ మా దగ్గర పేపర్లు కలెక్ట్ చేసుకుని అవి చదివి వాటిల్లో బాగున్నవి ఒక పక్క,బాగోలేనివి ఒక పక్క పెట్టారు.నేను నాది యే పక్క ఉందా...అని తెగ టెన్షన్ పడ్డా.కాని ఒక పేపర్ చదివి అది చేత్తో పట్టుకుని మిగితా పేపర్లు సార్ట్ చేసారు.'ఆ పేపర్ ఎవరిదో! చేత్తో పట్టుకుని ఉన్నారు అంటే..అంత ఘోరంగా వ్రాసారేమో' అని ఒక నవ్వు నవ్వుకున్నా....చివరికి బాగా వ్రాసిన వాణి,కవిత,మహేశ్వరీ పేపర్లు పైకి చదివి వినిపించారు.నాది చదవనందుకు ఫీల్ అయ్యా  తరువాత....'ఇక్కడ ఒక విచిత్రమైన పరిష్కారం సూచించింది మన ఇందు.చూద్దామా?' అని ఆ చేత్తో పట్టుకున్న పేపర్ చదవడం మొదలుపెట్టారు. అందరికీ ముందు ఏమి అర్ధం కాలేదు..కాసేపు అయ్యాక నవ్వడం మొదలుపెట్టారు....చదవడం పూర్తయ్యాక మా సార్ అన్నారు...'చాలా సింపుల్ గా తేల్చావు ఇందు..ఇంతమంది ఎంత బుర్రలు బద్దలు కొట్టుకున్నా తెలియని విషయం నువ్వు భలే కనిపెట్టావే..ఆహా! ఒక్క సైకిల్ తో ఇంత మార్పా?' అన్నారు.

ఇప్పటికీ అర్ధం కాదు...ఆయన పొగిడారో...తిట్టారో...కాని నాకు మాత్రం నేను రాసిన ఆ వ్యాసం గుర్తొచ్చినప్పుడల్లా భలే నవ్వొస్తుంది...ఈ సైకిల్ పిచ్చేంటో నాకు